wrapper

في ذكرى الشهيد
ها قد عدت ايتها الذكرى ، وها نحن نقف أمامك نسألك عن أحبة الامس ..نسأل عنهم سفر البطولة والرجولة والتضحية نسأل عنهم النجوم والشمس 
والوطن والفداء ...
دارت سنة
گالوا شهر أشباط أجه
كافي حزن 
فكي الحزن 
مامش رجه
خلي المدلل نايم أبگبره أبهني
عينة تربي اعلى الدرب متوهجه
المهرة عثرت بالدرب 
أخ الدرب ثاريها ماهي أمسرجه
عثرة رمد
ندري الشمس رمده وسجى
وندري الگمر غرگان ببحور الدجى
وندري النجم ايصيح مات المرتجى
طاعون ينخر بالسلف محد حچه
خلي الشهيد أبگبرة 
شايل بيرغة
نور الثريا مطلبة
دمى شچه
أيصيح دمي بالصحين
البردي والعگيد والنفاش 
ابماي الغموگه بچى 
أشلون أفكنا الحزن
دم الشهيد الما برد
چا وينكم يهل الوفة
دنياك دنيا أمصچچه
تدري النجم ثار وتفگ
وعيون هودجها لچه
أشلون أفكنا الحزن
ووليدي مات أبلا چفن
أبلا گبر
هولاكو بيده دچچه 
أشباط مزنات التتر 
هضم ولچه
طاعون اعمى ما يكع
نهران فاضت بالدمه
والريح صفرة معججه
مامش رجه
أمنيين الرجه
أشلون أفكنا الحزن 
كل لحظه أصرخ ياوطن 
وينه الوطن 
بالنار والعطاب لوعات ومحن
أنباع العراق ودلته
صارت شجن
صارت سجن
أشلون أفكنا الحزن
البصرة تبچي أبلا هدم 
ثوب العليها أمسرد
ومرگوع بخيوط العدم
حافي الجدم 
مرگوع يصرخ بالظلم
دموع الفرات أمعصبه
وعيون دجلة أمشورحه
ما غمضت لحظة حلم 
تتنه المطر ... وينه المطر
طاري المطر
صرخة فجر
زفة هلاهل تصرخ أبليل التتر
أشلون أفكنا الحزن 
عندك خبر 
جدحة دفو 
مشتاگة أشيلن چرغدي 
لهفة فرح دعوة كبر
ما ينحزر
مطر وحزن 
أشلون أفكنا الحزن 
وأنا بگدر ...أنا بگدر
12\2\2016 
سعدي جبار مكلف 
الارض الملتهبة ....سيدني

عن الموقع

 المندائية موقع مندائي اخباري يختص بالقضايا المندائية الدينية والأجتماعية كما يوفر اخبار حول العالم يتيح للكتاب نشر مقالاتهم كما لا يتحمل الموقع أي مسؤولية قانونية عن دقة أوصحة أو شمولية  المعلومات الوارد 

تأسس الموقع سنة 2001 يضم الموقع العديد من الزوايا منها اول غرفة المندائية للمحادثة الصوتية, صفحة الأخبار،صفحة الكتاب,منوعات, كما انطلق من الموقع اول راديو مندائي على الأنترنت و نسعى جاهدين للأرجاع الخدمة
موقع الشبكة المندائية موقع محايد منما يميزة عن بقية المواقع على النت
تم انشاء الموقع ودعمة من قبل السيد ماجد حميد سعيد

 

رجال الدين المندائي