wrapper

طاري الموت 
حذراٍ يستبد بي ، خوفاً ورعباً مزلزل يجتاحني كأني على مشارف كابوس النهاية ، باغتتني ذكرياتنا وأنا في نشوة حلم جنوني بين الموت واليقظة ..تناثرت رماداً بين أنامل ذابلة اتعبهتها الغربة والسفر .... 
شلك عندي يطاري الموت 
خذت كل شي
شلك عندي 
لا حرثة التدليني 
هضم وتنومس أبدردي
أجيتك وبهدم عريان 
مبحر وي شراع الاه والسفان
ماهو أشراع لا مجداف 
بس درب المنية حان 
وتراب الدرب عثرات 
نذرتك أحله أيامي 
مطر بالكيظ 
وجه أمبشر وشرهان 
أنطيتك بصيص الروح 
ماظلت ولك فجه 
تضوگ الماي وانا بلهفة العطشان 
نفس غرگان 
موت أيلوح 
وطيوب العمر أتفوح
خنس بسكوت 
دمع ونوح 
گتلك لا تفز خلي الحلم تذكار 
خلي يشم هوه أعذيبي 
غدر شمات 
خلني ألضم الحسبات 
لا تحسب عمرنا الفات
طشيناه ..ضيعناه 
من شح المطر وحجاية الونات
طشيناه من حچي الملامة وهدم المعزيات 
طشيناه بالگولات ...نعايات
طشيناه من صار العزة
كل يوم حلابات 
اجيتك ماني طالب شوگ 
لا مزنة محبة أتلوگ 
لا مسج الكصيبة ألحوگ 
أطيرن فوگ
أجيتك وبنفس مگطوع 
أمطرش عذابي أبطوگ 
حرز كاروك 
شلك عندي 
أمدلل باگته الايام 
ولا أترجاك بالاحلام 
ماهي لهفة المحتام 
ضيعت العرف وياك 
من أسنين عام أبعام 
ما عندك وفة وأتچابس أعيوني
نسيت المستحة وتگول ناسيني
ما عندك وفة يندل نياشيني
اخ تالیها تبعيني 
أبدغش سكتة 
نگش أيدك جرح غبشة 
چثيرة اليتماها البين
هضم هامة عمات أعيون 
مو مثلي 
أنهدم صوباط عمري أبأول المطرة 
هطل صوباط عمري وفرح الواشين 
أخ البين 
غرگ جرفين 
ياخذني وسط فجة على الصوبين 
ماعندك وفة ياشين 
صدگ ضني 
خرنوب الثمر عاگول
أنا المدلول 
أصير أحزام للطيبين 
لغنوات العشگ مشكول 
أظل أوياك طير أبهورعين أبعين 
أونن ونت المچتول 
ماهمني رمح مسلول
ولا همني الجروح أطول 
چتلني أمنادس الشمات 
أچتلتني ضحكة الغربة صبح معلول 
شنهي الگال والمگيول 
غني الگال والمگيول 
4\2\ \ 2016
سعدي جبار مكلف
More in this category: في ذكرى الشهيد »

عن الموقع

 المندائية موقع مندائي اخباري يختص بالقضايا المندائية الدينية والأجتماعية كما يوفر اخبار حول العالم يتيح للكتاب نشر مقالاتهم كما لا يتحمل الموقع أي مسؤولية قانونية عن دقة أوصحة أو شمولية  المعلومات الوارد 

تأسس الموقع سنة 2001 يضم الموقع العديد من الزوايا منها اول غرفة المندائية للمحادثة الصوتية, صفحة الأخبار،صفحة الكتاب,منوعات, كما انطلق من الموقع اول راديو مندائي على الأنترنت و نسعى جاهدين للأرجاع الخدمة
موقع الشبكة المندائية موقع محايد منما يميزة عن بقية المواقع على النت
تم انشاء الموقع ودعمة من قبل السيد ماجد حميد سعيد

 

رجال الدين المندائي