Print this page


سطل
بقلم فارس السليم
جاء حشاش إلى النجار في وقت الظهر
الجو حار جداً والكهرباء مقطوعة وقد مر عليها ساعة والكآبة وصلت ذروتها طلب الحشاش من النجار وبدون مقدمات ان يصنع له بابا من خشب الصاج الماليزي وان تكون البسامير من اليابان و والنرمادات من سنكافورا وعلى النجار ان يركز على كيفية فتح الباب فهو لا يريدها ان تفتح من اليمين إلى اليسار ولا من اليسار إلى اليمين ولا من الأعلى إلى الأسفل ولا من الأسفل إلى... الأعلى fares al saleem 160x240
أثناء الحديث المطول للحشاش وكيفية دخوله في التفاصيل شعر النجار برغبة ان يصفع الحشاش وينال منه ويخرج غضبه وغضب شدة الحرارة فيه
قال النجار بعد تفكير عميق
ادلل غالي والطلب رخيص بس هذه الباب مو رخيصة لانه بيه تكنيك وتكتيك وتبليط وشخابيط
الحشاش
معليك بالسعر انت بس جيب الخشب من الهند والبسامير من العمارة والنرمادات من افريقيا واشتغل على حب الله
النجار
ولك شنو أروح افتر دول العالم حتى انجرلك باب وكلساع مبدل الدول زين هاي الباب حضرتك يا لون تريده صفرة لو بيضة لو رصاصية
الحشاش
بابا معليك باللون هاي شلون مصيبة انت ركز على الصاج أريده من الصين والبسامير من الرمادي والنرمادات من أمريكا
فكر النجار واتجه بدعائه إلى السماء ان تنقذه الملائكة من ارتكاب جريمة
وقال
النجار
تعال وياي اراويك نموذج للباب الي تريده
كان في وسط المحل إطار لباب غير مكتملة
وقد جهزت بشكل تقني وجميل
النجار
شنو رأيك حباب هاي الباب الي تريده ما مفتوحة من أي مكان
الحشاش
كلش أوكي جيد بس شلون اعرف هاي الباب مسدودة لو مفتوحة
النجار
بسيطة راح اكتبلك ورقة من الصفحتين
صفحة بيه مغلق
والصفحة الي ورآه. مفتوح وراح اعلكه بنص الإطار
الحشاش
لا عيني اني ما اتقشمر نسيت ودخلت من صفحة المغلق شلون راح اطلع مرة ثانية