wrapper

صفحة الكاتب عماد عبد الرحيم الماجدي

صفحة الكاتب عماد عبد الرحيم الماجدي (38)

إكًـعِـد إكًـعِـد شيخ داخل

 
إكًـعِـد إكًـعِـد شيخ داخل
عماد عبد الرحيم الماجدي

إكَـْعِـد اكَـْعـِد شيخ داخل ـ إكَـْعِـد اوشـوف الـْمـُصيـبَـه
إكَـعِـد احـْـنـَه ادخيـل بـَخـتـَك ـ شوف مِـلـَّتـْنه العجيبه
إكَـعِـد اوشوف الـْنَه جاره ـ كِل كِـتِـر صِـرنــَه نهيبـَه
صـبّـه نِـفـْـلَــَت لِـلـْسويد ـ أو صبّه ماتـَت بالشعـيـبـَـه
صبّـه بـَمـْريكا تِـنـادي ـ صبـَّـه وبـْـلـَـنـْـدَن غِــريـبـَـه
صبّه وبـْـسِـدني جـثيره ـ الـْمانـيَه او بـيهـَه الشـبيبَـه
صَبّي هـولــَـنـْده يـِريـدكْ ـ تِكَــْعِـد اوتـِـطـْـفي لِهــيبـَه
صبّي ساكِـن بـِـالجزايـِـر ـ مِـنـْـتِـظِر منهو الـْيجـيـبـَه
صبّي وبـْـصنعاء حايــِر ـ (قـات)ْ ياكِـل مِـن نِـصـيـبَـه
كنـَدا اودنـْمارك بـيهـَهِ ـ الصبّي مِـشتـاق الـْـحـَبـيـبـَه
شيخ داخل والله ضِعـنه ـ صِـرنـَه سِـكراب الشعـيـبـَه

شيخ داخـِل صار دينـَـك ـ لِعـبـَه بـيـدْ الـبَعــَض ريـبـَـه
شيخ مِـنـْهُم جـِذِب يـُصبغ ـ ماحُفـَظ كَنزه اعـْله غـيبَه
ماي راكِد عـَشره عـَشرَه ـ ابـْسرعـَه ياصبـَّه رَهـيبـَه
لـيش يا داخِـل الـحـَكَـنَـه ـ صِـرنـَه لِـليــُبـْرخ نِعـيـبـَـه
صِـرنـَه وَيْ غِـربان نمشي ـ نِـكتِـل الـحُـر اونِصيـبـَه
والجـَراد الـنـّوب يسفي ـ والـْشـَصِـر حـتى الـْـدِبـيـبـَه
كِلـْهـَه هـَـدَّت على الصبَّه ـ مِـنهـُم اوبـيـهُم الـعـيـبـَـه
شـَيـَّـخ الـعَـكَـروك عالرَّك ـ هـَـالـْزَمـَن والله عـَـجـيبـَه
قـافِـلـَه لو بيـنـَه تِـمـشي ـ الـْجـَـلِب يـُبـطـَـلْ نِـحـيـبـَه

شيخ داخِـل صِـرنـَه فِـرجَه ـ صبّي يـِتـْشـَفـَّه ابـْقـريبَه
 فـَحـَل توث اوصرنـَه داخل ـ ثـَمَر مامش طرًك هـيبَه
صبّي يـِتـزوَّج اويـِكَـْـزر ـ صَبـّي يــِتـْـباهـَه ابـْصليـبـَه
ألِف فِـرقـَه اوألِـف نـادي ـ ألِـف جـَمْـعِـيـّة اوشِـبـيـبـَه
ألِـف رايْ اوألِـف فــَـتوَه ـ ألِـف تـُهـْمَه اوياهـَه غيبَـه
اومن يريد الصبي يحجي ـ انسـَـكـّتـَه او نخبط حِـليبَه 

لـيش هالـْـفِـرقـَه يصبه ـ مو حِـلـو الحامـُض حِـليـبـَه
ابـْـنادَم اشْـماجـِنـَه اوعـَبـَّد ـ أَبـَـد مـايـاخِـذ نـِصـيـبـَه
إلـْمـَن انـْروكِض اونِلـْهـَط ـ تالي تـاكِلـْـنـَه الـْدِبـيـبـَـه
لِـلـْظِهـِـر نايـِـم الـْيـورث ـ حـَـتى  (لوفـاني ) يـِعـيـبـَه
إذكِـر الكَـبْـلَك حُـووهـَه ـ افــْلوسْـهـُمْ صارَت نهـيـبـَه
لو إهـي دامـَت الـْغـيـرَك ـ ماإجــَتْ لـيـدَك سِـلـيــبـَه
ليش اخونـَه الصبّي جايع ـ وحـْنـَه نثـْرِد ياعـَجـيـبـَه
كافي ياصبـَّـه إكَِـعـْدو ـ صِـرنـَه طِـشـّـار اونِـهـيـبـَـه
لو نِصيـر الْكَـَلـُب واحـِد ـ نِكـْـتِـفي كِـلـْـنـَه ابـْزبـيـبـَه
صبـّي لو أمـّـن ابـْدينـَه ـ يـمـْشي لِـلـْحَـك اويـجـيـبـَه
الـْمارُفــَع دَرفــَش يـَهـانـَه ـ هــَيـّي ياصَـبـّه رَقـيـبـَه
نِحجي إلـْمَن شيخ داخِـل ـ كِلـْمـَن ايْـسوكَــَه حِـلـيـبَه
إكَـْعِـد اكَـْعـِد شيخ داخل ـ إكَـْعِـد اوشـوف الـْمـُصيـبَه

عماد عبد الرحيم الماجدي
 
Read 209 times
Rate this item
(0 votes)

عن الموقع

 المندائية موقع مندائي اخباري يختص بالقضايا المندائية الدينية والأجتماعية كما يوفر اخبار حول العالم يتيح للكتاب نشر مقالاتهم كما لا يتحمل الموقع أي مسؤولية قانونية عن دقة أوصحة أو شمولية  المعلومات الوارد 

تأسس الموقع سنة 2001 يضم الموقع العديد من الزوايا منها اول غرفة المندائية للمحادثة الصوتية, صفحة الأخبار،صفحة الكتاب,منوعات, كما انطلق من الموقع اول راديو مندائي على الأنترنت و نسعى جاهدين للأرجاع الخدمة
موقع الشبكة المندائية موقع محايد منما يميزة عن بقية المواقع على النت
تم انشاء الموقع ودعمة من قبل السيد ماجد حميد سعيد

 

رجال الدين المندائي