wrapper

مـو كِلـْمـَن يموت الناس تِــبـْجــيه

صنهـيــــر الـمســودني

مُـو كِـلمن يـُموت الناس تبجــيه ـــ ولا كِـلمـَن يـِعـيـش اتـريـد ودّه

ولا عود الأرض بالكَاع تلكَاه ــ تِـزرْعه ابروضِـتـكْ ويْصـيـر وَرده

ولا كل وَرده تِعجِب خويه الانسان ـ ولا تكدر تحطهه اتـْصير شـَده

ولا كلْ مـَشربْ اتحِـطـّه ابمواعين ـ يسيح او بالعـَسل ياخـويه نـَدّه

ولا كلمن تبوسَه ابيسرة الخـَد ــ يمينـَه ايـْديـرْ آلـَـكْ ياخـويه خـَـدّه

ولا كلمن تجـِهـْـبه اتريدَه لـَـكْ عون ـ يصير العازتـَك ياخويه سـَدّه

ولا كلمن هِـديتـَه التِـكَـدَر اعـْـليه ـ يـُـوافِـيـك ابـْصِـدًك ويـْريـد رَدّه

ولا كلمن تـَره ياخـَيْ تخاويه ـ تـَحـَت جـِدمـَـك ابـْسـاطـَه كًـامْ مـَدّه

لو مايك عِـلـَه اشويَّـه على الناس ـ إلـْـزم كَـاعـَـك اشـْويـَّه تـَهــَدّه

ماتِـكَـدَر تِـردْ الـْـماي لِـلـْـكـاس ــ كًـِلي اشــْـلون مـِن إيـدك تِــبَـدّه

مو هذا الطريج اتـْـكَِـلـّه مُـو ذاك ـ بـِيك اتـْعـَـشَّه يـاويلي اوْتـَـغـَـده

من غايب تـَـره مـَتـْـذِكْره هيهات ـ مِـن يِحـْضَر يخي ماظـِن تِـعِـدّه

ياطـَعـْم الـْرزق يـاصبـّي مَحـْلاه ـ حـَـلال اوبِـالجـِبـيـن انـْت تِـكِــدّه

هذا الكــون شوفــَه اشكال والوان ـ مــاتِـكَـدر تِـعِــــدّه او لاتِـحِـدّه

لـو ربَّـك يـِقــَـدّر خـُويـَه الـِيــريـد ـــ ماتِـكَــْـدَر أبـَـد والله تِـــصـِـدّه

***

مو كافي بعـد يادنيَـه بـَس عـاد ــ رحـّه اوتـِطحن اوماتِـشبَع اتـريـدْ

تاليهه اوتحِـط الكـوم بالكـوم ــ تِـكًلـّك حِـط بعـَد كل حـَفـنـَه وتــْزيـد

دنياتـك مثل (ناعُـور) يفـتـَر ــ مايَـك لو خِـلص يوًكـَف تـَـره ايهـيـد

(بلبل) دنـْيتـك لو صارَت اوْياكْ ــ غِـناوي لِـلصُبح ويـّاهَـه تـغـْـريـد

( كًـنفـذ ) لو جـِفت ويـّاك ياصاح ــ يًكلب (شـوك) من تِـلكًاه بالـْبيـد

لـَـتـْأمـّن أبد دنـْياك (خـَرنوب) ــ (سَهمَـك لو رمَه) ماظِـنـّـك اتـصيد

تكسِر (رمحَـك) اوتضحك ترَه اعـْليك ـ لو طاح الرمح تحتاج تسديد

نفوج اونغـرًك ابأمـْواج الِهمـُوم ـ تاليهَـه النـَـدم ماظـِن تـَرَه اتـْريـد

***

مـَيفـيد الذي خويـَه جـِمَـعـْـناه ــ لا حُـور التِـفـيد او لاتـَـره العــيد

ياصبّه الغـُرور المَرض للناس ـ صبّه احنـَه أهـَـل مابينه الِـبعـيد

صدّق ساعِـد الوادم والاقراب ــ يومك من صُبَح يصبح إلك عـيد

أهلك وهـْلي والصبه تـَره اخوان ــ كلهم مرجـَله أو كلهم أجاويد

واحِدهم جبل والجبـَـل لو صاح ــ ـبسْـفـُوحه تـِـًكـَع كل الصناديـد

تِـذكر موعِـدك يـوميّه للحـَي ــ ارشم وبـْرخ ابـنـَـفس الـْمُـواعِـيد

دينـَـك أوّل أورابع بالأديان ــ ثابـِت ، والـْـثِـبـَت مَـيـْريد تـَجـْـديـد

ثـَروَه الدين ، ثـَروةْ الله بالكون ــ احفظ ثروتـَـك مَيـْصير تـَبديـد

مينوش العنب حامض يـَخـَي ًكال ـ يشـتِـم كًـام ويـْسـِب العناكًـيـد

***

الـْيفـْـقِـد الديّـن اويـِتـْرك الحـَي ــ مثـل ايـْـتيم يـُفـكًـد أمـّـه بالعِـيـد

لا تـِفـقـِد هـَويتـَـك إنت صبّـي ــ لا نـَصراني إنـْت اتـْـريـد تـَهـْويـد

ولا المِـشمان تِـتبع انت دينه ــ دينك صبّي والـْبـُوثات (تـَمـْهــِيـد)

ماتكًــدر تِـعـَبّـد بيهـَه دنـْياك ــ عاشـَت ناس بيهـَه ولـْهـُم اتـْبـِـيـد

دنياتك مثل جـَفجــير ويحوس ــ كِـلشي (البجـِدر)انخـُبطـَه ونـعيد

خل ننهض يصبّه نحفـُظ الدين ــ نِـفـَسـّـر بالـْبـُوَث مـُو بالتـَـقالِـيد

فرواهك يـَماري انصليّ ونـْصوم ـ صِرنه ابكل كتر خويه مشاريد

***ياويلي عَـلـينه اوألِـف ياحـيـف ـ نِـلِم بالـْماي ، بالـْـكًـاع الـْـتِـِبـَدّه

بـَزرنـَـه ضاع ياصبـّـه اكًـِـعدو ـ سَبـَبهـَه الشيخ والأب حتى جـِدّه

إتـْركـْـلـَـك أثــَر لِـلناس تِـحْجـيه ـ تِـذكـْرك بـِيهْ لو مـوتـَـك تـِعــَدّه

مـُوكِـلمَـن يموت الناس تِـبجيه ـ ولا كِـلـْمـَن يعـِـيـش إنت تِــودّه

Last modified on الثلاثاء, 03 آذار/مارس 2015

عن الموقع

 المندائية موقع مندائي اخباري يختص بالقضايا المندائية الدينية والأجتماعية كما يوفر اخبار حول العالم يتيح للكتاب نشر مقالاتهم كما لا يتحمل الموقع أي مسؤولية قانونية عن دقة أوصحة أو شمولية  المعلومات الوارد 

تأسس الموقع سنة 2001 يضم الموقع العديد من الزوايا منها اول غرفة المندائية للمحادثة الصوتية, صفحة الأخبار،صفحة الكتاب,منوعات, كما انطلق من الموقع اول راديو مندائي على الأنترنت و نسعى جاهدين للأرجاع الخدمة
موقع الشبكة المندائية موقع محايد منما يميزة عن بقية المواقع على النت
تم انشاء الموقع ودعمة من قبل السيد ماجد حميد سعيد

 

رجال الدين المندائي